Кондак 1
 Избранный от диавольскаго служения на служение истинному Богу и к лику святых сопричтенный, священномучениче Киприане, моли Христа Бога избавитися нам от сетей лукаваго и победити мир, плоть и диавола, да зовем ти:
 Радуйся, священномучениче Киприане, скорый помощниче и молитвенниче о душах наших.

Икос 1
 Ангельския силы удивишася, како от художества волшебнаго обратился еси, богомудре Киприане, к познанию Божественному, покаянием обрел еси ангельское безстрастное житие. Мы же, обращению твоему дивящеся, вопием ти таковая:

Радуйся, обращением твоим ангелов удививый; радуйся, лик святых возвеселивый.

Радуйся, мудрость свою показавый;радуйся, за Христа венец приявый.

Радуйся, яко тобою беси отгоняются; радуйся, ко тобою вся болезни исцеляются.

Радуйся, священномучениче Киприане, скорый помощниче и молитвенниче о душах наших.

Кондак 2

 Видя Господь, како от лет малых отдан бысть Киприан нечестивыми родители на обучение демонскому служению, восхоте обратити его к себе, да со ангелы и всеми святыми воспевает: Аллилуиа.

Икос 2

 Разум несовершен имея к вышнему разумению, усердно трудился еси, святе Киприане, изучая демонския лжехитрости, но, познав слабость бесовскую, яко ти боятся Христа, обратился еси к познанию Бога истиннаго. Темже убо тя величаем:

Радуйся, хитрости демонския препобедивый; радуйся, прелесть служения его обличивый. Радуйся, змия лукаваго посрамивый; радуйся, христиан прославивый.

Радуйся, мудрых мира сего мудрейший; радуйся, разумных разумнейший.

Радуйся, священномучениче Киприане, скорый помощниче и молитвенниче о душах наших.

Кондак 3

 Сила Вышняго просвети ум твой, блаженне Киприане, егда, не успевше в чародействе против Иустины, беси рекоша тебе: мы боимся и трепещем силы Креста, имже отгоняет нас дева Иустина. Ты же отвещал еси: вы Креста боитеся, но Распятый на Кресте сильней Креста есть. Сего ради пришел еси в храм Господень нети со всеми верными: Аллилуиа.

Икос 3

 Имея ум просвещен силою свыше, пришел Киприан к пресвитеру, просит крещения, обаче той, убоявся коварства волхва, отгна его. Киприан же тече в храм Господень, и тамо, литургии бывшей, внегда диакон возгласи: оглашеннии, изыдйте, - рече: не изыду из храма, дондеже прииму крещение. Мы же, твоему вразумлению радующеся, воспеваем ти таковая:
Радуйся, силою свыше просвещенный; радуйся, Господом вразумленный.

Радуйся, силу креста познавый; радуйся, демонов от себя отгнавый.

Радуйся, жизнь свою исправивый; радуйся, стопы в церковь направивый.

Радуйся, священномучениче Киприане, скорый помощниче и молитвенниче о душах наших.

Кондак 4

Буря помышлений одержа Киприана, како прияти ему крещение. Темже убо прежде, взяв своя чародейския книги, принесе их на средину града и тамо пожже, поя Богу: Аллилуиа.

Икос 4

Услышав пресвитер, яко имаши, всемудре, намерение благое быти христианином, крести тя и постави чтеца во храме. Сего ради вопием ти:

Радуйся, духов злобы победивый; радуйся, чародейския книги попаливый.

Радуйся, быти христианин возделавый;
радуйся, святое крещение приявый.

Радуйся, подвиги и добродетельми украси-выйся;

радуйся, пресвитером наставленный.

Радуйся, священномучениче Киприане, скорый помощниче и молитвенниче о душах наших.

Кондак 5

 Боготканную одежду святаго крещения прияв, Киприане всехвальне, тепле молился еси Богу о прощении грехов, прежде совершенных, от всех христиан воспевая Богу: Аллилуиа.

Икос 5

Видев пресвитер подвиги и труды твоя, священномучениче Киприане, пост, многонощное бдение, коленопреклонение, покаяние, слезы, молитвы, и по испытании поставитя во диакона. Мы же, благодаряще Бога, восхваляем тя:

Радуйся, день и нощь с покаянием к Богу взывавый;

радуйся, о прощении грехов моливыйся.

Радуйся, пример исправления показавый;
радуйся, слезные молитвы Господу приносивый.

Радуйся, путь ко спасению познавый;
радуйся, пламенную любовь ко Христу явйвый.

Радуйся, священномучениче Киприане, скорый помощниче и молитвенниче о душах наших.

Кондак 6

 Образом благочестия христианскаго подражая деве Иустине, священномучениче Киприане, воистиниу христианин совершен явился еси, отклонил бо еси нечестивое учение, крестився, и усты своими и чистым сердцем благодарственно воспевал еси Богу: Аллилуиа.

Икос 7

 Новый мудрейший врач показался еси миру, свящеиномучениче Киприане, яко молитве твоей чародейския козни противостати не могут, аюбие разрушаются и прогоняются наведения злых человек и лукавых бесов. Мы же, видяще дарованную тебе Божию силу, вопием ти таковая:

Радуйся, волшебных козней разрушителю; радуйся, страшных бесов прогонителю. Радуйся, от негоже дуси злобы, яко дым, исчезают;радуйся, тяжкомучимым скоро помогаяй.

Радуйся, от бед и скорбей избавляяй;

радуйся, страдания в радость обращаяй.

Радуйся, свящеиномучениче Киприане, скорый помощниче и молитвенниче о душах наших.

Кондак 8

 Странное чудо является притекающим к тебе с верою, свящеиномучениче Киприане, ибо данною тебе от Бога благодатию беси изгоняются, мучащие человека, больнии же исцеляются, взывающий Богу: Аллиалиа.

Икос 8

 Всем сердцем возвысивыйся к Богу, преславне, и всею душею Того возлюбивый, имел еси тщание и желание творити волю Его и, яко пастырь добрый, не отринул еси бедами отягощенных, но предстательствующи в молитвах пред Богом, даруя нам
исцеление и утешение. Сего ради, восхваляюще любовь твою ко Господу, вопием ти сице:

Радуйся, всем сердцем Христа возлюбивый;
радуйся, вся добродетели стяжавый.

Радуйся, недугующим и разслабленным вспоможение;
радуйся, в скорбех и печалех утешение.
Радуйся, наветов и искушений, от мира, плоти и диавола находящихся, прогонителю;
радуйся, всех болезней душевных и телесных исцелителю.
Радуйся, священномучениче Киприане, скорый помощниче и молитвенниче о душах наших.

Кондак 9

 Все ангельское воинство возвеселися, отче, видя тя, воина Царя Небеснаго, непоколебима и со дерзновением проповедующа Христа, егда веден был еси на мечное усечение вкупе с Иустиною. Ты же, болезнуя о ней, да не отречется от Христа, узревши тя усёкнута, глагола ей: да усекнут прежде тя. И, преклонивше под меч главы своя, воспеша Богу: Аллилуиа.

Икос 9

 Витии многовещании не возмогут по достоянию страдания ваша за Христа воспети, яко не убоялися есте прещений лютых, но со светлыми лики предстали есте судилищу царёву, воздвизающе всех верных глаголати вам сицевая:

Радуйся, веры Христовы непоколебимии исповедницы;
радуйся, Пресвятыя Троицы дерзновеннии проповедницы;
Радуйся, за Христа души своя положившии;
радуйся, мучения лютая ни во что же вменивший.
Радуйся, яко страдания ваша верными прославляются;
радуйся, яко имена ваша в храмех Божиих величаются.
Радуйся, священномучениче Киприане, скорый помощниче и молитвенниче о душах наших.

Кондак 10

 Спасти хотя души всех одержимых нечистыми духи, не престай взывати присно ко Господу, Киприане богоглагольниче, тебе бо дадеся благодать молитися за ны, да помилованнии и очищеннии, воспоем Богу: Аллилуиа.

Икос 10

 Стена тверда и крепкая ограда буди нам, священномучениче Киприане, с теплою верою и любовию к тебе прибегающим, ограждаеми бо от враг видимых и невидимых, избавлени тобою, прославим тя тако:

Радуйся, духа злобы смирением победивый;
радуйся, огнем молитвы стрелы вражия попаливый.
Радуйся, от врагов видимых и невидимых стено и ограждение;

радуйся, Православныя Церкве преславное украшение.

Радуйся, оставленных врачами предивное поможение;

радуйся, прелюбимое скорбящим утешение и увеселение.
Радуйся, священномучениче Киприане, скорый помощниче и молитвенниче о душах наших.

Кондак 11

 Пение непрестанное Пресвятей Троице паче иных принесл еси, священномучениче Киприане, Иже милости ради к падшим грешником благоволи недостойным достойным стати и сочислитися святому стаду. Мы же, благодаряще Бога за таковую милость Его к нам, грешным, зовем Ему: Аллилуиа.

Икос 11

 Светозарная свеща был еси, богомудре, в Церкви Христове, просвещая невещественным светом души верных. Молимся ти, просвети и наша грехми омраченная сердца, во еже пети тебе таковая:

Радуйся, Трисиянным Светом озаренный;
радуйся, к сонму святых сопричтенный.

Радуйся, яко светом невещественным души верных просвещаеши;
радуйся, яко заблуждших на путь правый наставлявши.

Радуйся, из рова погибели, яко овча, Спасителем изъятый;
радуйся, бесов посрамление и человеком радование.

Радуйся, свящеиномучениче Киприане, скорый помощниче и молитвенниче о душах наших.

Кондак 12

 Благодать дана ти от Бога попирати силу вражию и всякое сатанинское нахождение, победил бо еси враги твоя и мученическим подвигом запечатлел еси веру во Христа. Ныне же, предстоя Престолу Царя славы, молися, Киприане всеблаженне, да избавимся от пленения диавольскаго и воскликнем Богу: Аллилуиа.

Икос 12

 Поюще твою верность по Бозе и дивная преславная чудеса, величаем и восхваляем тя, свящеиномучениче Киприане, приял ecи от Бога таковую благодать. Темже молим тя: егда и час смерти нашея демонская полчища обыдут души наша, яви нам заступление твое, да избавление тобою, воззовем ти сйце:
Радуйся, от находящих вражий сил скорое защищение;
радуйся, от всевозможных скорбен и печалей избавление.
Радуйся, Христа до конца возлюбивый; радуйся, душу свою за Него положивый. Радуйся, в крови Агнчей омывыйся;
радуйся, во дворех Господних вселивыйся. Радуйся, священномучениче Киприане, скорый помощниче и молитвенниче о душах наших.

Кондак 13

О пречудный и преславный угодниче Божий, священномучениче Киприане, скорый помощниче всем к тебе прибегающим, приими от нас, недостойных, хвалебное пение наше. Ей, молим тя, святителю, от многообразных недугов исцели, от враг видимых и невидимых заступи и вечнаго мучения избавитися нам Господа умоли, да с тобою воспеваем: Аллилуиа, аллилуиа, аллилуиа.

Сей кондак глаголи трижды.

И паки чтется 1-й икос и 1-й кондак.